पूसक घाम तु इत्गा नखरा दिखो ना।
बगत सब्युं की औंदी इत्गा तरसो ना।।
माया की भुकी पैंदी यु धरती।
धार पिछना ते मुखडी लुको ना।।
गिच कताड़ि रात खड़ी ह्वयीं समणी।
गर्व से गरु गात नि कण जुग् जम्मे ना।
द्वी दिन घडी पोर जेठ ऐ जालु।
फिर तेरी सैे क्वी ज्यु-जमाण सौंण्या ना।
बगत बगत की बात अर,
बगत बगत का फेर होन्दन्
तेरा जन तपोंण वाळा भोत देखी,
जु सौंण कुयेड़ि मुखडी लुक़न्दन्।
पूसक घाम् इत्गा इतरो ना।
बगत सब्युं की औंदी इत्गा तरसो ना।।
रचना:- बलबीर राणा 'अडिग'
©सर्वाधिकार सुरक्षित
मैन थोडा सी उज्यालु मांगी
त्वेन दुफरा दे दिनी
राति अँधेरा का ये मनखी तें
स्वोनु सी सुबेर कख बटि ऐनी
क्या देख सक्लो ये मुखडी तें
जु अंध्यारा मां अफुं चमकणि रैंदी
मैन जरा सी माया झळक मांगी
त्वेन पुरो मायाजाल दे दिनी।
डैर लगणी ये मायावी संगसार दगड
कखि चकाचौंध मां ना हर्चेयी
राति-राति कुकडे-कुकडे त्वे जग्वाली
सुबेर पाळा जन सर गोली न जयी
क्वी भरोसु नि ते घाम कु
तेन सरि दुन्यां जगेनि
मैंन ठण्डु-ठण्डु हुरमुर मांगी छयी
त्वेन तपण वाळा दिन दे दिनी।
उदंकार करयाली त्वेन ये काळा मन मां त
अब ये ज्योत तें बुजण ना देयी
हँसणी खैलणी ये हरीं-भरीं धरती से
ज्यु तें निष्ठुर न हूँण देयी
गंगा जनी छालु रखिय्याँ माया मनखियत की
यु पराण सब्युं मां बसी रैनी
मैंन संगसार रचना कु सार मांगी
त्वेन ये अडिग तें पूरो ग्रन्थ पकडे देनी।
रचना:- बलबीर राणा 'अडिग'
सज्यूं रौलु धज्यूं रौलु मितेँ सजाला तुम
हरयूँ रौलु भरियुं रौलु मितेँ सिंचला तुम
भरलु तुमारु गुठ्यार आशीष दयोलु मुठ्ठी खोली की
भैर भितर हरीष लगलु ड़्वार नि ढ़्वक्ला तुम।
मैन भी जुग- जुग बितायी तुम मंखियों तें कोळी स्येवाळी
प्रकृति का छपोड़- छपोड़ खैकी तुमारी संतति जिवाळी
मेरु क्वोदु - कपुला खैकी,लॉट साहब बण्या तुम
जलम दयोंण वाळी ब्वे छोड़ी लाड मौंस्याणी तें कना तुम।
खाणा रैला मेरी पीठी मां बस्याँ राला मेरी क्वोलि मां
मन्खियत कु निसाब मिललु माया कु भण्डार मिललु
ज्योत जगणि रैली भोळ कुणी उज्यालु कर्ला तुम
अपणा धर्यां ढुंगों पर बंश कु बाटू अग्ने बडौला तुम।
मैंन कल्प देखी, देखी ते कल्प कु कलिकाल भी
आणु-जाणु जीवन देखी घडी-घडी कु बदलाव भी
मन्खीयों कु हंकार- जैकार देखी कब्बी नि रायी गुम-सुम
आज इनि औडालु आयी ये अडिग तें ब्बी हिल्येगा तुम।
क्रमश:-
रचना -बलबीर राणा 'अडिग'
© सर्वाधिकार सुरक्षित मेरे ब्लॉग 'उदंकार' में
www.ranabalbir.blogspot.in
थाती माटी की माया बिथोंदी
भैजी यु माया भारी नखरी होन्दी
गौं ख्वाला धार पुंगणो रिन्गोंदी
चौक तिर्वाला उबरा डंडयाली घुमोंदी
माया उठदा बैठदा काका बोडों की
माया खेल्दा फाल मर्दा भुला भूलियों की
माया मयाली भाभी सर्मांदी ब्वारी की
माया रगर्याट कणि बोड़ी ककडाटी काकी मा पिडौंदी
भैजी यु माया भारी नखरी होन्दी
माया रमणाट कणि भैंसी अर तिबडाट कणि बाछी मा
माया उज्यडया गौड़ी अर मर्खु बल्द मा
माया बखरों का ग्वोठ अर नखर्याली बिराली दगड भर्मोंदी
भैजी यु माया भारी नखरी होन्दी
माया हौन्सिया स्कुल्या नोनी नोनु मा
माया चखडेत कख्ड़ी च्वोर छोरुं मा
माया बौडर मा खडु अडिग फौजी भुला दगड रोन्दी
भैजी यु माया भारी नखरी होन्दी।
माया ढोल दमो की सबत भौंकरा रणसिंगा गरज की
माया डोंर थकुली की भौंड जागरी गाथा की
माया बाँसुरी की तान घस्येरियों का गीत मा चितोंदी
भैजी यु माया भारी नखरी होन्दी।
माया! हे माया! यु माया, तु माया,
जख देखा तेरी छाया तेरी काया
घुघूती की सांखी हिलांसे की भोंण
बांजे जड़ियों कु पाणी हरिय्याँ भारिय्याँ बोण।
माया जिन्दगी का होर-पोर बिथोंदी
भैजी यु माया भारी नखरी होन्दी।
@बलबीर राणा "अडिग"
© सर्वाधिकार सुरक
वा मुखडी ज्यू बटि मिट नि सकदी
आँसुओं बदिन यु आग बुझ नि सकदी
साँस दगड़ी भेर भितर कनि स्या याद
साँस ते हवा तें रुवेक नि सकदी।
दिनक चैन रातेक निन्द हर्चिन बेकार
यु माया च या माया कु बुखार
क्वी दवे दारु त बते दयावो भै बन्दों
किले च मि उठण- बैठणम बिमार।
@ बलबीर राणा
माँ कहती थी
अले मेरे लाल
ज्यदा उथल पुथल न कल
बहार आने के बाद
खूब नाचना
सलालत करना
हुदंगल मचाना
किलकारियां मारना
लेकिन!!!
अब आई बारी किल्कीलाने की
तो... तो !
मेरा बचपन छीन लिया
किताबों का बोझ
कंप्यूटर इंटरनेट
दुनियां का इन्साइक्लोपिडिया थोप दिया
डाक्टर, इंजिनियर
और ना जाने कितने प्रकार की
पैंसों की मशीन बनाने की जुगत
वाह रे दुनियां
दुनियां वालो
तुम्हारा लालच ने
क्यों मेरा बचपन मार दिया।
:- बलबीर राणा "अडिग"
© सर्वाधिकार सुरक्षित
जिन्दगी रेस नहीं
क्यों कफर्स्ट आने की ठान ली
ये तो मेराथन है भाई
जिसे हँसते हँसाते पूरा करना है
दौड़ के मंजिल कम ही पाते हैं
आधे ठोकर खा गिर जाते हैं
कभी नहीं से देर भली अडिग
चलकर सभी पहुँच ही जाते हैं।
शुभ दिवस मित्रजनो
---------------
जिन्दगी रेस नहीं
क्यों कफर्स्ट आने की ठान ली
ये तो मेराथन है भाई
जिसे हँसते हँसाते पूरा करना है
दौड़ के मंजिल कम ही पाते हैं
आधे ठोकर खा गिर जाते हैं
कभी नहीं से देर भली अडिग
चलकर सभी पहुँच ही जाते हैं।
:- बलबीर राणा "अडिग"
भितर मने की कैन नि जाणी
भैरक सबुन जाणी पच्छ्याणी
गिचा मा रामा- रूमी भल स्वभाणी
पुटग की आग किले तेरु ज्यू जलाणी।
द्वि दिनक रोण-ठिकोंण यख सब्बुं कु
जुग-जुग यख कैन नि बिताणी
ना मार गेड अहम् अंखारे की
माया का थैलु त्यार दगड जाण।
नि कण रंग्त्याट भल नि फुन्फ्याट
सब्बुं पर रौंदी एक दिन इन पराण (ताकत)
खुटी संभाली पूरु होन्दु जीवनक यु बाटू
समझी जा मनखी ये अडिग वाणी।
:- बलबीर राणा "अडिग"
© सर्वाधिकार सुरक्षित"
आजाद बणो कु स्वतंत्र पंछी छै वा
पंख पसारी उड़दूँ छै
खुट्टा पसारी सेंदु छै
अब ईंटों का पिंजरों मा कैद ह्वेगे
गाड़ियोंक भिभडाट मा भंगरिगे
पैंसों की हवा
नोटों कु पाणी
कख तक जेलू
कब तक रेलू
दौड़ नि रेस ह्वेगी जिंदगी
ज्योंण नि निभोंण ह्वेगी जिंदगी
कब्लाट त वे कु ज्यू कनु ह्वोलू
मन मा कांक्सा त रय्यीं ह्वेली
पर !
कैर भी क्या सक्दू
खाण से पैली नाक जू लग्दू
अब!
न थुकेन्दु न घुटेन्दु
अप्णा बारा का गारा इनि पिस्लू।
@ सर्वाधिकार सुरक्षित
सैराs पृथि गल्दार
भैर भितर चौबाटा
सौदा पत्ता कणा
गल्दारोंक फ़ौज
राजनितिक लडै
तिकड़म पिकडम बंदूक
गैल तें हल्या
चल्चलु तेल लगे
दिखाणा छन
सीधा साधा लाटोन
सौ का नोट मा
भोट दये खरीदयाली
एक घोर तीन पार्टी
हाथ कमल हाथी
दादा ब्वारी नाती
घप्रोल मच्यूं
क्वी नि कै से कम
कखि ह्विस्की कखि रम
ये दों परधान
हैक दों जिला पंचैत
विधायके डगर
छ्वाडा पढे लिखे
तिकडमें स्कुल लगीं
राजनीति सिखोल
मिसन मालदार
गल्दारक बाटा बटिन
जन सेवक तक
@ सर्वाधिकार सुरक्षित
....बलबीर राणा "अडिग"
गुठियार डोर
बल्द मर्खु
फुन्फ्यांट कनु
मनक कब्लाट
पुटुग घब्ल्याट
भूक चैन नि
डकार मनु
दुकुरताळ कनू
खडतम ताळी
गुसैं नि तेकुणी
गुस्याण नि
दिवाळ भिटकणु
क्या करे जावो
अपणु ही खोटू
दूसरों तें क्या ब्वन
कने समझाओ
पशु मन्खी
अपणी क्वोखू जन्म्युं
@ बलबीर राणा "अडिग"
