छुवीं सच्ची च या झूटी त बतौला,
जब दाड़ सूळ उठली त बतौला।
चुप्प आँखा न बूज ममता अंधी होंदी,
बबाल पंच्यति मा पोंछलो त बतौला।
गफ्याणु रौ आगफतौ माल जु छन,
बदहजमी उंद-उब ह्वेली त बतौला।
स्यौण पे गीजो च्वोर मौड़ फर बाग,
जै दिन हथगड़ी पैरलो त बतौला।
किराया चक्कर मा चिफलौ न ह्वो,
जब सर्री मकान हथ्यालो त बतौला।
सेकुलर स्याळ बणी नठी जाण अडिग,
कलम ह्वलो या कलमा पढ़लो त बतौला।
@ बलबीर राणा 'अडिग'
No comments:
Post a Comment