मिसन मालदार

सैराs पृथि गल्दार
भैर भितर चौबाटा
सौदा पत्ता कणा

गल्दारोंक फ़ौज
राजनितिक लडै
तिकड़म पिकडम बंदूक

गैल तें हल्या
चल्चलु तेल लगे
दिखाणा छन

सीधा साधा लाटोन
सौ का नोट मा
भोट दये खरीदयाली

एक घोर तीन पार्टी
हाथ कमल हाथी
दादा ब्वारी नाती

घप्रोल मच्यूं
क्वी नि कै से कम
कखि ह्विस्की कखि रम

ये दों परधान
हैक दों जिला पंचैत
विधायके डगर

छ्वाडा पढे लिखे
तिकडमें स्कुल लगीं
राजनीति सिखोल

मिसन मालदार
गल्दारक बाटा बटिन
जन सेवक तक

@ सर्वाधिकार सुरक्षित
....बलबीर राणा "अडिग"