हाईकू

उदास ज्यू
मन्खियोंक बीच
इकूलु किले

भिभडाट मा
मनक कब्लाट
किले मच्युं

गढ़वाली गजल

सर्गक गगडाट बरखा हूणी
अगास और धरतीक बात हूणी।

धुरपल़ा छज्जों बटि मोतियोंक झालर
चौका मा बून्द-बान्दे बरात हूणी।

रिमझिमक प्यार हरी-भरी सारियों दगड
साटी-झंगोराक आपस मा लडे हूणी।

बादलों बिजली दगड हैंसण बच्याणो
मंखियोंक पराण तों दयेखी कब्लाट हूणी।

जुगुनो कु गेणा दगड़ी रिश्ता पुराणु
सोण की काली रात भी जगमग हूणी।

डोsर ना ब्वारी ते यकुली डंडयाली
गद्नियों मा मिंनिखों की हल्ला रोळी हूणी।

......बलबीर राणा "अडिग"
© सर्वाधिकार सुरक्षित
www.ranabalbir.blogspot.in
म्यार गढ़वाली ब्लॉग
उदंकार

सर्ग

सुण मन्खी मेरी जुबानी 
तुम्हारु दुःख सागरों जन पाणी 
प्ये ल्येंदु मी बदळ बणी
रूवे रूवे बरखेंदू कैन नि जाणी
तुमारा जल्दो पराणी स्येली लान्दु
मी औंसूं धार बगान्दु

मोरी जांदू मी बरखी बरखी
धन अप्णु खैली करी
म्यार घोर जंगलों तेंं ना जलावा
अप्णा पापों तें होर ना बढ़ावा
बिगैर जंगलों मी भटकी जान्दु
मी औंसूं धार बगान्दु

@ सर्वाधिकार सुरक्षित
.............बलबीर राणा "अडिग"