कण ह्वयुं नि रोण

रात डैर च लगणी
भिभ्डाट छिन हुणु
पैली भी चौमास बरख्येंदी छयी
अब क्ले !!!
इत्गा रगड़-बगड
ये सुरंगोंन हमेर सरि धरती हिल्येली
रोड का बाना कुड़ी पुन्गडी बग्येली
अध् कचरु काम छन हुणिया
सड़क काट्याली
डाळा उजाडयाली
नि चिंडी दिवाळ-भिड़ा
नि रोपी डाळा
ठेकदारोंन अर अधिकारियोंन भरीन अपणा थोला
जेमा जुगती छिन वूं त चलिगे देहरादून
जै विचारू नी कुछ वैकु ह्वयुं नि रोंण .....

© सर्वाधिकार सुरक्षित
रचना - बलबीर राणा :अडिग"