दिवा जगणु रालो

भारत जय  ह्वालो विजै ह्वालो

तिरंगा यनु शान से लैरणु  रालो,

जब तलक वीर डट्यां सीमा  पर

देश सुखशान्ति दिवा जगणु रालो ।

अफूं लिख्दा वा जीवन संवीधान

मंगदा ज्वा बरदान मा बलिदान,

यना वीरों का अपर्ण सर्मपण पर 

भारत माँ  मुकुट  सजणु  रालो

देश खुशहाली दिवा जगणु रालो ।

कश्मीर बटिन कन्याकुमारी तक

मणिपुर बटिन कच्छभुज तलक,

क्षितिज पर लक्षमण रेखा बणि वा

जबतक करम अपणु निभाणु रालो

देश अमनचैन दिवा जगणु रालो ।

घाम नि तौं, नि छ बर्खा बत्वाणी 

जडडू बी होन्दू ह्वलु कैन जाणी, 

चालीस डिग्री प्लस माईनस फर

जब तलक वा ज्वानी खपाणु रालो

देश सुखशान्ति दिवा जगणु रालो ।

जब तक वीर माता की ममता 

जब तक वीर नारी की तपस्या,

भारत बिक्रम भारत भाल खातिर

आंसु बदिन तपर्ण करणु  रालो

देश सुखशान्ति दिवा जगणु रालो ।

@ अडिग