बल मि गयूँ नोनू हगाणू,
सु आयी मितैं दंगाणू।
लाटा तैं सिखाई क्या कि,
सब्यूँ तैं छन बुबा बणाणू।
घ्यू खायी बल बुबाsन, अर
नोनू छिन हाथ सुंघाणू।
बिच्छी कु मन्त्र पता नी, अर
गुरौ दूळ छिन हाथ कुच्याणू।
जै पता नि ताळ अर चाल,
सु छिन पनवाणी नचांणू।
बिगैर गळी कंठ कु भान,
भौंयोरुं भरसु छन राँसो लगाणू।
छंद न मंद छुवीं न बात अडिग
कख छिन सुद्दी माळा गंठयाणू ।
©® बलबीर सिंह राणा 'अडिग'
ग्वाड़ मटई, चमोली
No comments:
Post a Comment