मेरा ज्यू मां उदंकार

कत्गा कयांरू कत्गा रैबार
बाटा मां किले बिरहक पराग

पराणी गाणी कंठ भोरी भोरी 

कभी त् दिखलू मायाक चिराग

आँशुक तबराट् कबैर तलक रैलू

बोऽडी ऐ जावा एक बार

हैंसी जाली यु भिजिं आँखी

होंठऽक नि रैंलू अब ककडा्ट

ऐ जालू म्यारा भी जीवन मा बसंत

ज्वानीक दिन छन द्वि चार

बोऽडी ऐ जावा एक बार 

बांजा पुंगडी् बीज जमला  

रुखडा् धारुं मां पाणिक छपळाट

इकुलांस डंड्याळी रोणक राली

मेरा ज्यू मां उदंकार

बोऽडी ऐ जावा एक बार 

© सर्वाधिकार सुरक्षित

रचना -: बलबीर राणा “अडिग”