बगदा बगतै धै सुणि कि त द्योख,
कंदूड़ा जाळा खोली कि त द्योख।
क्व छै जु सैंकणू तेरी खुद मा,
आगै भभराट बींगी कि त द्योख ।
ज्वा उबलणा बाद बि बोली नि सकि तू,
उड़दा भापै मनसा मानी कि त द्योख।
हैको खिखताट तब्बी त नि सयेणू,
अपणु घंघतोळ तौलि कि त द्योख।
बिगैर घट्याळा बि छन भिज्यां औतना,
तौंका ब्बी जागर जाणि कि त द्योख।
जादा खुस न ह्वो तिमंजिला पर अडिग,
चव्वा ढुंगों कंणाट सुणि कि त द्योख ।
@ बलबीर राणा ‘अडिग’
No comments:
Post a Comment