न कैकि भै, ना डौर छ,
च्वोरुं बस्ती मा घौर छ।
च्वोरुं बस्ती मा घौर छ।
तैन क्या बतौण सुबाटू,
ज्व अफूँ ही लन्यौर छ।
घिस्वों जुबानों क्या बोन्न,
तौंकु न ठिकौण ना ठौर छ।
बल, कितुलौ मरयूँ गुरौ देखि,
या ताण-पराणे सिक्कासौर छ।
भिज्याँ पांजी कख ल्ही जैलो,
सब्बि यख द्वी दिना खन्यौर छ।
बगतै चाल बगत पर बींग अडिग,
नित ह्वे जालि सब्यौरै अब्यौर छ।
शब्दार्थ :--
लन्यौर = लिंडेर
खन्यौर = खाण वळा, मेमान
सब्यौर = सै बगत
अब्यौर = देर, लेट
20 अगस्त 25
No comments:
Post a Comment